Hesen Ildiz dê li ser ‘Siya yê Din û Çîrok’ biaxive

Kitêba Hesen Ildiz ya bi navê Siya Yê Din dê di bin serenavê “Siya yê Din û Çîrok” da bê gotûbêj kirin.

Pall Weşan di çarçoveya çalakîyên xwe yên edebî û hunerî da, dê gotûbêja “Siya yê Din û Çîrok” li dar bixe.

Nivîskarê Pall Weşanê Hesen Ildiz bi moderatorîya Berivan Matyarê dê li ser kitêba xwe û çîrokê biaxive û ew dê kitêba xwe ji bo hezkirî û xwînerên xwe îmze bike.

Bername 6ê Nîsanê, li Amedê, dê li ofîsa Weqfa İsmail Beşîkcî saet 14:00an dest pê bike.

Nivîsara Siya Yê Din:

Di çîrokên kupkurt ên Ildiz de taybetiyeke giring xwe dide der ku meriv dikare wekî krîtereke serkeftinê ya ji bo vê cureyê qebûl bike: Gava xwendina çîrokan xelas dibe, çîrok bi xwendevanan dest pê dike. Bi gotineke dîtir ev çîrok, ji bedêla ku bi dorsînoriyeke çar-pênc hevokî an jî yek-du pasajî çîrokekê ji xwendevanan re vebêjin, çîroka di dilê xwendevanan de derdixin holê û bi vî awayî temam dibin. Balkêş e û nivîskar tim dilê xwe dibijînin vê rewşê.
 
Bijartina mijaran a ku di kitêbê de bêyî kategoriyeke şiklî an jî têmayî hatiye kirin û digel vê yekê tercîha edîtoriyê jî, dîmena timelinea hesabên medyaya civakî yên mirovên roja me tîne bîra meriv. Belkî jî eynî di vê gavê de, ev yek encama wê tercîhê ye ku hewl dide hevaheng be digel panoramaya zêhnî ya xwendevanekî kurd ê vê serdema me.
 
Ev çîrokên ku ji meseleyên civakî û siyasî bigire heta bi meseleyên têra xwe şexsî û endîşeyên biçûk ên jiyana rojane çarçoveyekê xêz dike, bi vî awayî kariye bi hostatî panoramaya qelebalix, belawela, dudil lêbelê rasteqîn û berfireh neqil bike.

Hesen Ildiz kî ye?

Di sala 1991ê de li gundê Şewaşiya Şemrexa Mêrdînê hatiye dinyayê. Fakulteya Tibê ya Cerrahpaşayê li Stenbolê qedandiye. Kitêba wî ya ewil a çîrokan bi navê Tirspîvan (Belkî, 2015) û romana wî ya ewil bi navê Qal (Peywend, 2019) çap bûye. Romana Herta Müller bi navê Dilajal (Lîs, 2022) wergerandiye kurdî. Niha li Berlînê dijî.

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir