Di destpêka demsala baranê de Herêma Kurdistanê xwe ji bo lehîyên mezin amade dike. Ji ber barîna baranê, ji niho ve ziyanên canî û malî çêbûne.
Ziyanên yekem
Li navçeya Abbasîyê ya Kerkûkê jineka 31 salî bi navê Teybe Mubarek Ehmed di lehîyê de miriye. Mêrê wê hewl daye ku wê xilas bike lê ew jî di bin avê de maye. Paşê ew hatiye xilas kirin. Ehmed dayîka sê zarokan bû. Di lehîyê de bi dehan pez jî mirine.
Tedbîrên birêveberîyan
Kerkûk û Helebce roja yekşemê bûne betlane. Li Dihokê jî tedbîr hatine girtin. Li gor berdevkê berevanîya sivîl a Dihokê Bewar Ebdulezîz, barîna baranê dê du rojan dewam bike. Îro û sibê lehî dikarin çêbibin.
Rewşa bajarên dî
Şaredarîya Hewlêrê gotiye ku hemû tedbîr hatine girtin û hewce nake roja yekşemê bibe betlane. Wezareta Xwendina Bilind jî gotiye ku zanîngehên gelemperî û taybet bi xwe dikarin biryarê bidin. Heta niho Silêmanî derbarê betlaneyê de biryar nedaye.
Çavkanî: Rudaw, Botan Times
