Nivîskar û wergêr Firat Cewerî dê li sê bajarên Bakurê Kurdistanê û li Stenbolê gotûbêjan li dar bixe û dê kitêbên xwe îmze bike.
Weşanên Avestayê li ser hesaba xwe ya Xê da zanîn ku dê nivîskarê wan Firat Ceweri li sê bajar û navçeyekê gotûbêjan li dar bixe.
Firat Cewerî dê li Wan, Amed, Qoser û Stenbolê li pêşberî xwîner û hezkirîyên xwe be û dê kitêbên xwe îmze bike.
Rojên Gotûbêjan:
27ê Nîsanê, Weqfa Beşikci, Stenbol
30ê Nîsanê, Kiraathane, Wan
2yê Gulanê, Bezgin Bekir, Amed
4ê Gulanê, Kitêbxaneya Mawa, Qoser
*Saetên gotûbêjê ji alîyê weşanxaneya nivîskarî ve nehatine dîyarkirin.
Firat Cewerî kî ye
Firat Cewerî sala 1959an li Mêrdînê hatîye dinyayê. Biçûkatîya xwe li Nisêbênê derbas dike. Di 20 salîya xwe da berê xwe dide edebîyata kurdî. Salên 1980yî mişext dibe Swêdê. Wî di çendîn qadên edebîyatê da berhem nivîsîne. Bi dehan berhemên edebî yên cîhanê wergêrane kurdî. Bê navber 10 salan, di weşana kovara Nûdemê da kar kirîye. Yek ji berhemên giring ya edebîyata kurdî kovara Hawarê jinûve kom dike û di nav weşanên Nûdemê da diweşîne. Bi salan di rêveberîya PENa Swêdê da cih girtîye. Berhemên Cewerî bo zimanên wekî swêdî, almanî, farisî, erebî û tirkî hatine wergêran. Ew aniha li Swêdê jîyana xwe didomîne.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
