Her sal li seranserê cihanê bi sed hezaran mirov dizewicin. Elbet proseya zewacê li her deverê cihanê ji hev diguhere. Li her deverê şêweya zewacan li gor çand û kevneşopîyê ji hev cuda dibin. Ji ber vê yekê jî mesrefên ji bo dewatan tên kirin ciyewaz in.
Li gor daneyên nûçeya E Timesê em hîn dibin ku ew kesên ji bo zewacê zêde mesref dikin, îhtimala veqetîna wan kesan zêdetir dibe. Perwerdekarên ekonomîyê Andrew Frencis Tan û Hugo M Mialon li ser ve babetê lêkolînekê kirine. Wan li Amerîkayê li ser serpêhatîyên zewac û dewetê ên zêdetirî 3000 kesan lêkolînan kirine. Lî gor wê lêkolînê, îhtimala cudabûna wan kesên ku ji bo zewaca xwe derdora 2000 dolarê mesref kirine 1.6 kêmtir e ji yên ku derdora 20.000 dolar mesref kirine.
Dema em vedigerin ser îstatîstîkên TÜİKê yên zewac û cudabûnê yên 2022yan em dibînin ku sala çûyî herî zêde zewac li Rihayê û yên herî kêm jî li Dêrsimê bûne.
Veqetînên herî kêm jî li Sêrt, Şirnex, Colemêrg, Bedlîs û çend bajarên din ên kurdan e.
