FIFA ser Qesab Nusret dest bi lêpirsînê dike

Yekîtîya Federasyonên Futbolê yên Navneteweyî (FIFA) ser Qesab Nusret Gokçe dest bi lêpirsînê dike.

Dîmen û fotografên şeva fînalê raber dikin ku qesabê fenomen Nusret piştî maça fînalê ya Fransa û Arjantînê dadikeve sehayê û Kupaya Cîhanê radimûse.

Li gor qaîdeyên FIFAyê, bi tenê berpirsên yekîtîya federasyonan, serketîyên turnuvayê û serokên dewletan dikarin destên xwe bi kupayê bikin.

Berdevikekî FIFAyê ji BBC Sportsê re dîyar kir ku ew lêpirsînê dikin ku hin kes çawa şeva fînalê daketine sehayê.

Nusret, ku bi navê Salt Bae (Ava Şor) jî tê naskirin, xwestibû di merasîma kupayê de bi Messi re fotografan bikişîne û hereketên wê ketibûn rojeva futbolhezan.

Kupaya Vekirî ya Amerîka ji Twitterê ragihand ku wê fînala xwe li Salt Bae qedexe kiriye.

Medyaya Kurdî di sala 2017an de bal kişandibû ser Kurdbûna Nusret ku bi eslê xwe ji Erziromê ye. 

Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.