2yemîn Festîvala Fîlmên Kurdî ya stenbolê di 24ê meha Adarê de dê dest pê bike. Festîval dê 6 rojan berdewam be û nêzîkî 30 fîlman dê bêne nîşandan.
Komîteya hilbijêr dane zan3in ku 80 fîlm ji bo festîvalê ji wan re hatine lê komîteyê 30 fîlm ji wan hilbijartine. Di nava van 30 fîlman de fîlmên metraj-kurt, metraj-dirêj û belgefîlm hene. Temaşevan heta 29ê Adarê dê bikaribin li van fîlman temaşe bikin. Her weha wê bi beşdarbûna derhênerên fîlman civîn pêk werin.
Bername wê 24ê Adarê bi nîşandana filmê “Kurdên Êzidî” destpê bike. Amasi Martirosyan ev fîlm di sala 1933yê de kişandiye û heta niha li Tirkîyeyê û li deverên din ên kurdan nehatiye nîşandan.
Bernameya vekirin û girtina festîvalê wê li Navenda Çandê ya Şîşliyê li dar bikeve. Ji bilî van herdu bernameyan wê fîlmên din li Sînemaya Beyoglû Majestîkê werin nîşandan. Di bernameya festîvalê de ji bilî nîşandana vê fîlmê di şeva yekem de wê konserek bê li dar xistin.
Di çarçoveya forûmekê de ji her qadên sînemayê, sînemagerên Kurd bên ba hevdû û li ser sînemaya Kurdî û pirsgirêkên wê nîqaş bikin. Bernameya festîvalê wê paşê were aşkerekirin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
