Etnîk Ereb, Kurd, Tirk û botoksên devûlêvan

  • 07/04/2023
Etnîk Ereb, Kurd, Tirk û botoksên devûlêvan Foto: Riha, Nîsan 2023, Omer Faruk Baran
Omer Faruk Baran Fotoğrafı

Riha bajarekî plural û pir-etnîkî ye. Di halê hazir de Ereb, Kurd û Tirk têde hene. Tê bîra min di zarlixîya min de bi tenê ji cilan, ji şekl û şemalan me tê derdixist ku kî Ereb e, kî Kurd û kî Tirk e.

Bes kapîtala ku tek-tîp cil li proleteryayê kir, anî li Riha jî eynî şekl cil li li miletên ji hev cihê kirin. Niha li wî bajarî Ereb, Kurd û Tirk bi eynî timtêlê dimeşin û ne bêlî ye kî kî ye.

Timtêl li ser Twitterê jî mîna hevdu ne. Dikevim profîlan li dev û lêvên keçkan dinêrim. Kapîtalê bi botoksê dev û lêv gî nola hevdu kirine, difin jî tek tîp in.

Welhasil, dîn û îmana kapîtalê tune. Loma ye, êdî em ji her tiştî zelaltir bi tenê dibînin ku kî feqîr e û kî zengîn e. 


Ev nivîs li malpera perxudrespodcast.com hatiye weşandin.

%d