Di nav şerê Sûriyê de Kurd niho tenê û lawaz mane. Dibe ku rewş di paşerojê de xirabtir bibe
Piştî hilweşîna rejîma Sûriyê, rewşa Kurdan bi tevahî guheriye. Artêşa Neteweyî ya Sûriyê (SNA) bi piştgirîya Tirkiyê bajarê stratejîk ê Manbicê desteser kiriye û niho berê xwe daye bajarên dî.
Êrîşên li ser herêmên Kurdan
SNA’yê di 1ê Kanûna pêşiyê de, Tel Rifat, bajarokeka girîng a nêzî sînorê Tirkiyê, ji destê Hêzên Sûriya Demokratîk (HSD) girtiye. Piştî hefteyekê, şervanên SNA’yê ketine nav Manbicê. Ev pêşketinên dawîyê nîşan didin ku êrîş ber bi Kobanê ve diçin, bajarê ku di sala 2015ê de li hemberî DAIŞê hatibû parastin.
Helwesta Erdogan
Serokê Tirkiyê Erdogan berî demekê ragihandibû ku dê “herêma ewle” ya li bakurê Sûriyê berfirehtir bike. Bi êrîşên SNA’yê re xuya dibe ku ev plan dest pê kiriye. Li gorî çavkanîyan, Erdogan dixwaze hemû herêmên di bin kontrola HSD’ê de desteser bike.
Parastina Amerîkî
HSD hîn jî xwedî piştgirîya Amerîkayê ye. 900 leşkerên Amerîkî li herêmê ne û ev yek parastina HSD’ê pêk tîne. Lê analîzên The Economist nîşan didin ku Erdogan dê hewl bide Trump qaneh bike ku van hêzan vegerîne.
Helwesta li hemberî PKKê
Di vê navberê de, Erdogan derîyek ji PKKê re vekirî hiştiye. Di axaftineka xwe de gotiye ku heke çekên xwe deynin, rê dê ji wan re vebe. Dewlet Bahçelî, hevpeymana wî ya sereke, ji Abdullah Öcalan xwestiye ku dev ji tundiyê berde û rê ji bo gotûbêjan vebe.
Çavkanî:
The Economist
Botan Times
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
