Serokomarê Tirkîyê Recep Tayyîp Erdogan îro Çarşemê dîyar kir ku medyaya li welêt ji berê azadtir e.
Erdogan got ku çi kesê destê xwe deyne ser wijdanê xwe wê qebûl bike ku medyaya li Tirkîyê îro ji berê serbixwetir û piralîtir e.
Wî dîyar kir ku medyaya Tirkîyê li gor salên 1990î li ba milet pirtir îtibarê dibîne.
Bi ya Erdogan, medya gava pesnê terorê nede, şidetê teşwîq neke û dezenformasyonê neke çi bixwaze dikare binivîse û raporên qaşo nikarin vê rastîyê biguherînin.
Nûnertîya Amedê ya Sendîkaya Rojnamegerên Tirkîyê (TGS) di rojên borî de dîyar kiribû ku bo 16 rojnamegerên di 8ê Hezîranê ya 2022yan de hatine girtin hîn îdianame jî nehatiye hazir kirin.
Ji wan 16 rojnamegeran yek Edîtora JINNEWSê Safiye Alagaş e ku Rêxistina Rojnamegerên Bêsînor (RSF) di rapora 2022yan de bal kişandibû ser wê.
RSFê dîyar kiribû ku li Tirkîyê hin rojnameger ku jiber ku medya û produksîyênon wan nêzî Partîya Karkerên Kurdistan (PKK) hatine dîtin hatine girtin.
Komîteya Parastina Rojnamegeran (CPJ) di rapora 2022yan de dabû zanîn ku Tirkîye di nav wan 5 welatan de ye ku rojnameger lê nikarin karên xwe bikin.
CPJê ser rewşa rojnamegerên Kurd taybet nivîsîbû û dîyar kiribû ku di nîvê sala 2022yan de 25 rojnamegerên Kurd hatine girtin.
Foto: Twitter, @akparti, SS
Hesta Zimanî di nav Kurdîya Reş û Sipî da23/04/202416:21 ‘Ay lê gulê’: Stranên li ser ‘Gul’ê23/04/202414:40 Têbînî li ser Tarîxa Kevneşopiya Destanan di nav Kurdan de 9: Xwedaynameg23/04/202412:12 Belçîka – Polîsan bi ser Stêrk TV û Medya Haberê da girt23/04/202411:05 7 rojnameger hatin desteserkirin23/04/202410:48