Hunermendan dê li ser projeyê biaxivin
Botan Times
15/04/2025
Ekîba performansa “Dengbêj in the Disco” dê îro siet 15:00 (li gor sieta Botanê) di bernameya “Dora pirsê ya te ye” de beşdarî hevpeyvîneka zindî bibe.
Hunermend Hêja Netirk, danser Sarîna Panahîdeh û dramaturg Mesut Alp dê li ser projeyê biaxivin.
Bername dê ji alîyê Murat Bayram ve bê pêşkêşkirin û dê li ser kanala YouTubeyê zindî bê weşandin. Tê hêvîkirin ku ev hevpeyvîn bibe fersendeka baş ji bo hunermendên vê performansê da ku wan gotina xwe bi rêya kanala dîjîtal bigihînin girseyeka berfirehtir.
Di “Dengbêj in the Disco” de Hêja Netirk û Sarîna Panahîdeh hunera dengbêjîyê ya kevneşop û danserîyê bi hev re dihonin. Di performansê de Netirk rola jineka dengbêj dilîze ku tradîsyonî ev rol piranî ji bo mêran e.
Ev performans li ser pirsgirêkên nasnameya zimanî û çîroka keseka ku di navbera du çandan de dijî disekine.
“Dengbêj in the Disco” di 6ê Adarê de li Hamburgê dest pê kiribû û heta 8ê Adarê dom kiribû. Di derbarê vê performansê de Netirkê gotibû: “Dema ez bi miletê xwe re diaxivim, ez dibêjim: ‘Ez li surgûnê me.’ Dema ez bi kesên dî re diaxivim, ez dibêjim: ‘Ez penaber im.’ Ka em li ser vê biaxivin.”
Tê hêvîkirin ku di hevpeyvînê de dê hunermend li ser pirsên nasnameya kurdî ya li Ewropayê, çalakîyên hunerî yên li derveyî welat û astengîyên li pêşiya hunermendên penaber jî biaxivin.
Çavkanî: https://www.lichthof-theater.de/
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
