Du rojnamegerên ku di qenala nûçeyan a Fox Newsê de dixebitîn di dema pevçûnên li Ukraynayê de mirine.
Kameraman Pierre Zakrzewskiyê 55 salî û çêker Oleksandra Kuvshinovaya 24 salî, nêzî Kievê li Horenkayê hatine kuştin. Hatiye zanîn ku otomobîla wan hatiye gullebarankirin.
Hevkarê wan ê 39 salî Benjamin Hall birîndar bûye û rakirine nexweşxaneyê.
CEOya Fox Newsê Suzanne Scottê di derbarê vê bûyera ku duh pêk hatiye de gotina “rojeke ku dilê me şikand” bi kar anîye.
Serokwezîrê Îrlandayê Micheál Martin jî ji ber mirina Kuvshinova û welatiyê Îrlandî Zakrzewski xemgîniya xwe ya kûr anîye ziman.
Roja Yekşemê, rojnamevanê Amerîkî Brent Renaud li derveyî Kîevê, li bajarokê Irpinê hatibû kuştin. Ew yekem mirina tomarkirî ya rojnamegerekî biyanî bû ku şerê Ukraynayê dişopîne.
Li gorî Seroka Mafên Mirovan a Parlamentoya Ukraynayê Lyudmyla Denisovayê heta niha herî kêm 2 rojnamegerê Ukraynayê mirine.
sitesinden daha fazla şey keşfedin
Subscribe to get the latest posts sent to your email.
