Medyaya Fransayê îro Yekşemê radigihîne ku karbidestan bergumanê êrîşa Parîsê biriye klînîka psîkîyatrîyê.
Dozgera Parîsê dîyar kir ku wan bergumanê 69 salî jiber sedemên saxlemîyê ji derdestîyê derxistiye û biriye klînîkê.
Li gor gotina dozger, bergumanî daye zanîn ku ew dijî bîyanan bi nefreteke patolojîk hereket dike.
Di êrîşa roja Înê de, ku li nêzî Navenda Çanda Kurdî ya Ahmet Kaya li dar ketibû, 3 Kurd hatibûn kuştin û ser êrîşê ew bergumanê 69 salî hatibû desteserkirin.
Karbidestên Fransayê heta niha jî dibêjin hîn ne zelal e ku êrîşvanî xwestiye ku bi taybetî Kurdan bikuje yan ne.
Hêjayî balkişandinê ye, bergumanê êrîşa Parîsê par di Berfanbarê de bi şûr êrîş biriye ser kampa koçberan û hatiye girtin, lê nayê zanîn ku ew çima hatiye berdan.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
