Ji ber nedayîna mazbataya Abdullah Zeydan li Wanê û gelek bajar din protestoyan dest pê kiribû ku di encama wan protestoyan da 89 kes hatin desteserkirin.
Wezîrê Karên Navxwe yê Tirkiyeyê Alî Yerlîkaya da zanîn ku duhî li Wan û şeş bajar din 89 kes hatine desteserkirin.
Di hilbijartinên herêmî yên 31ê adarê da DEMê Şaredarîya Bajarê Mezin a Wanê bi dest xist lêbelê mazbata nedan namzetê DEM Partîyê Abdullah Zeydan û şûna wî dan namzedê AK Partîyê ku ew bûbû duyemîn di hilbijartinê da.
Li ser vê yekê li Wanê xelk dakete kolanan û prostesto kirin.
Protestoya li Wanê dest pê kir li gelek bajarên Bakurê Kurdistanê belav bû.
Polîsan li gelek bajaran êrişî xelkê kir û dîmenên lêxistina polîsan li ser medyaya civakî belav bûn.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Wezîrê Navxwe yê Tirkiyeyê Alî Yerlîkaya li ser hesaba xwe ya Xê da zanîn ku di van protestoyan de 89 kes hatine desteserkirin.
Li gorî agahiyên ku Alî Yerlîkaya dane, amarên desteserkirîyan li gorî bajaran wiha ne:
Wan: 26 kes
Colemêrg – Gever: 29 kes
Colemêrg – Navend: 9 kes
Sêrt: 4 kes
Êlih: 5 kes
Şirnex: 10 kes
Îzmîr: 6 kes
Bi giştî: 89 kes
