Wezareta Karên Navxweyî ya Tirkiyeyê ragihandiye ku ji sala 2020an heta niho li Tirkiyeyê 2,5 milyon ruhsatên çekan hatine dayîn. Wezîr Ali Yerlikaya dîyar kiriye ku ev ruhsat hem ji bo hilgirtin û hem jî ji bo xwedîbûna çekan hatine dayîn.
Ji her 100 kesî 3 kes xwedî ruhsat in
Li gor daneyên fermî yên Hezîrana 2024an, 626 hezar û 988 kes bi ruhsat çekdar in.
Ji van:
- 306 hezar û 673 karmendên dewletê
- 215 hezar û 134 karmendên teqawîtbûyî
- 105 hezar û 181 endamên pîşeyî ne
Hejmara serlêdanan zêde dibe
Parlamenterê CHPê yê Nîgdeyê Omer Fethî Gurer dîyar kiriye ku serlêdanên ji bo ruhsata çekan roj bi roj zêde dibin. Li gor Gurerî, bidestxistina çekan welê hêsanî bûye ku ev yek bûye sedema gelek bûyerên tundiyê.
Fikara civakî mezin dibe
Gurer bal kişandiye ser metirsîyên civakî û gotiye: “Di her qadê jiyanê de em rastî bikaranîna çekan tên. Ji qezayên trafîkê bigire heta dawet û şahîyan, heta di pîrozkirina leşkerîyê de jî çek tên bikaranîn. Divê tedbîrên pêşîlêgirtinê û astengker bêyî derengmayîn bên girtin.”
Çavkanî:
Wezareta Karên Navxweyî, bianet, Botan Times
