DFG: Di Adarê da 16 rojnameger hatine desteserkirin

Li gorî rapora Komeleya Rojnamegerên Dîcle Firatê (DFG) di meha Adarê da 16 rojnameger hatine desteserkirin, rojnamegerek jî hatiye girtin.

Di raporê da hate gotin ku”Tirkiye bi 87 rojnamegerên girtî hilbijartinên 14ê Gulanê pêşwazî dike.”

DFGyê diyar kir ku azadiya çapemeniyê ku yek ji hêmanên sereke yên ewlehiya hilbijartinê ye di bin dorpêçê de ye.

Li gor daxuyaniya komeleyê, her ku roja hilbijartinê nêzîk dibe zextên li ser çapemeniyê zêde dibin.

Li gorî daneyên meha Adarê ya Komeleyê belavkirine:

Di Adarê da 8 rojnameger rastî êrîşan hatine.

16 rojnameger hatine desteserkirin û rojnamegerek jî hatiye girtin. 

4 rojnameger rastî muameleyên xerab hatine

112 rojnameger dema nûçe dişopandine hatine astengkirin.

Derbarê 4 rojnamegeran da lêpirsîn, derbarê 5 rojnamegeran da jî doz hatine vekirin.