Li Îranê dewlet helwesta xwe ya li hemberî jinên cil û bergên wan ne li gorî rêgezên îslamî ye, tundtir dike.
Êdî dê bi rêya kamerayên ku li cihên giştî û li kolanan têne danîn wê jinên li welêt bêna şopandin.
Rayedarên dewletê wê binerin ku ka jin şarpeyan datînin serê xwe yan na.
Polîsan bang li esnafan jî kir ku balê bikşînin ser parêzbendiya pîvanên civakî.
Piştî ku li Îranê xwenîşandanên demdirêj ji aliyê dewletê ve bi tundî hatin tepisandin, di demên dawî de hejmara jinên ku ji bo protestokirina hikûmetê şarpeyan nadanîn serê xwe zêdetir dibe.
Li Welêt xwenîşandanên girseyî di Îlona 2022yan da piştî mirina Jîna Amînîyê dest pêkiribû.
Jina Kurd bi hinceta cil û bergên wê ne li gor usûlên îslamîye hatibû desteserkirin û kuştin.
Li gorî qanûnên şerîetê yên li Îranê, jinên li welêt neçar in porê xwe bipêçin û cil û bergên berbelav ên ku xêzên laşê wan dîyar nakin li xwe bikin.
Jinên ku bi van rêgezan tevnegerin dibe ku bi cezayê pereyan û heta girtinê jî rû bi rû bimînin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
