Hevserokê berê yê Partîya Demokratîk ya Gelan (HDP) Selahattîn Demîrtaş, ku li Gîrtîgeha Edîrne girtî ye, xwest Rêberê Partîya Karkerên Kurdistan (PKK) Abdullah Ocalan bibîne.
Demîrtaş ser daxwaza hevdîtinê Çarşema borî serî li Wezareta Dadê ya Tirkîyê da.
Bi qasî meheke berê hevserokên HDPê Pervîn Buldan û Mîthat Sancar jî bo hevdîtina bi Ocalan re serî li Wezaretê Dadê dabûn, lê wê wezaretê ti bersîv neda wê daxwazê.
Wezareta Dadê heta niha bo daxwaza Demîrtaş jî bersîv nedaye.
Demîrtaş ser daxwaza hevdîtinê ji Halk TVyê re daxuyanîyek şand û dîyar kir ku ew dixwaze li hember girjîya gur û pevçûnên giran, bibe însîyatîf.
Di rojên borî de, Demîrtaş li ser Twitterê ‘’nûdem’’ nivîsî û da zanîn ku ew dem her tim wek hewayên biharê ne.
Ew sîyasetvanê di nav Kurdan de bi ‘’Selo Başqan’’ jî tê nasîn, herî dawî di hilbijartinên serokomarîyê de bû berbijar û bi %8,40 dengan li rêza 3yan ma.
Demîrtaş Got ”Nûdem” û Xwest Ocalan Bibîne
Weşanên dawîyê
