Hevserokê berê yê Partîya Demokratîk ya Gelan (HDP) Selahattîn Demîrtaş, hikûmeta Îranê bi çar zimanan şermezar kir.

Demîrtaş bi Kurdî, Tirkî, Farisî û Azerî dîyar kir ku hikûmeta Îranê dixwaze bi şîdet û îdaman rê li ber azadîyên bigire.

‘’Daxwaza azadîyê ya gelan bi îdamkirin, lêdan û zindanan nayê rawestandin. Bi kuştinê daxwaza azadîyê nayê tunekirin’’ Demîrtaş nivîsî.

Protestoyên li Îranê bi qasî 3 mehên berê, piştî Jîna Amînî ya Kurd di derdestîyê de hat kuştin, destpê kir. 

Li gor Rexistina Mafê Mirovan ya Îranê, ku navenda wan li Norweçê ye, ji ber mudaxaleya polisan ya li dij çalekvanan heta niha 498 çalekvan hatine kuştin û bo 11 kesan jî biryara darvekirinê hatiye dayîn ku ji wan du kes hatine darvekirin.



Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!