Bi hevkarîya DEM Partî û çendîn sazî û dezgehên din bernameyek bo Cejna Zimanê Kurdî tê lidarxistin.
Li gorî nûçeya Ajansa Mezopotamyayê bername bi hevkarîya Komeleya Lêkolînên Ziman û Çandê ya Mezopotamyayê (MED-DER), Komeleya Wêjevanên Kurd, Enstîtûya Kurd a Amedê, Kovara DESTAR’ê, Partîya Herêmên Demokratîk (DBP), Partîya Wekhevî û Demokrasiyê ya Gelan (DEM Partî), Tevgera Jinên Azad (TJA) û Platforma Ked û Demokrasîyê ya Amedê tê lidarxistin.
Di bernameyê da çendîn çalakîyên cuda cih digirin û dê 8 rojan berdewam be.
Panel, atolyeyên jin û zarokan, atolyeyên zimanî û meş di bernameyê da cih digirin.
Li van cihan dê bername bêne lidarxistin: Amed, Pasûr, Farqîn, Lice, Pîran û Hezro.
Bername sibê li Birca Keçikê ya navçeya Sûrê bi deklarasyonekê dê dest pê bike û bê ragihandin.
Ji bo zêdetir agahîyên li ser bernameyê lînka Ajansa Mezopotayayê bitikîne.
15 Gulana 1932yan bi pêşengîya Celadet Alî Bedirxan li Şamê kovara kurdî ya bi navê Hawarê dest bi weşanê kir. Taybetmendîya Kovara Hawarê ew bû ku cara yekem zimanê kurdî bi tîpên latînî hat xwendin û nivîsîn. Ji ber vê yekê her sal 15ê Gulanê wekî Cejna Zimanê Kurdî tê pîrozkirin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
