DEM Partîyê derbarê destguhertina mazbatayê da daxuyanîyeka nû da.
Digel ku li Wanê DEM Partî di hilbijartinê da bi ser ketibû jî, namzedê Ak Partîyê Abdulahat Arvas mazbataya şaredarbûnê wergirt.
DEM vê yekê wekî berdewamîya proseya darbeya sîyasî dibîne û dibêje binpêkirina îradeya gel e.
Daxuyanîya DEMê wiha ye:
Em biryara Lijneya Hilbijartinê ya Bajar a Wanê red dikin ku mazbataya Bajarê Mezin a Wanê da namzetê AKP’ê. Ev biryar mudaxeleya îqtîdarê ye û berdewamîya proseya darbeya sîyasî ye. Endamên Lijneya Hilbijartinê ya Wanê hatine eyarkirin û biryar dane ku ev biryar ne rewa û derhuqî ye û binpêkirina îradeya gel. Em bang li Lijneya Bilind a Hilbijartinê dikin ku vê derhiqûqtîyê bi dawî bikin û îradeya gelê me nas bike. Partîya me, endamên me û gelê me li ser pêyan e. Heta ku ev derhiqûqtî bi dawî nebe, bertekên me yên demokratîk dê berdewam bin.
