DEM Partîyê ragihand ku dê Başak Demîrtaş, Hevjîna hevserokê berê yê HDPyê Selahattin Demirtaş nebe berbijêra Şaredarîya Bajarê Mezin a Stenbolê.
DEM Partîyê li ser hesabên xwe yên medyaya civakî da zanîn ku dê Başak Demîrtaş nebe berbijêr.
3yê sibatê, DEM Partiyê ragihandibû ku ew dê bi berbijêrên xwe beşdarî hilbijartinên Şaredariya Bajarê Mezin a Stenbolê bibin.
Derbarê berbijêriya Başak Demîrtaşê de jî gelek îdia dihatin kirin.
DEM Partîyê got “Em ligel birêz Başak Demirtaşê, ji destpêka pêvajoyê heta niha di danustandinê da ne ku wê bi beyanata xwe ya ji bo berbijêrîya Şaredarîya Bajarê Mezin a Stenbolê piştgirîya polîtîkayên me kir û hêz da me. Rayedarên lijneya me, li ser hemî geşedan û bijarteyan nirxandin kirin û ligel Başak Xanimê di nav hevahengîyê da, bi awayekî kordîne gehiştin wê encamê ku ew nebe berbijêr.”
Herwiha di daxuyanîyê da hatîye destnîşan kirin ku dê ew berbijêrên xwe yên Stenbolê heta çend roj din aşkera bikin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
