Rayedarên Tirkîyeyê gihîştina platforma ragihandinê Discord asteng kiriye. Sedemên vê biryarê wek îdîayên îstîsmara li zarokan hatiye nîşandan.
Discord çi ye?
Discord platformeka ragihandinê ya amerîkî ye. Di sala 2015ê de hatiye damezrandin. Gelek lîstikvanên kompûterê vê platformê bi kar tînin. Niho platformê xizmetên xwe firehtir kiriye. Discord ji bo axaftinên dengan û nivîskî tê bikaranîn. Ew derfeta avakirina civakên online dide bikarhêneran.
Taybetmendîyên sereke yên Discordê
Discord derfeta avakirina “server”an dide bikarhêneran. Ev server dikarin vekirî yan jî girtî bin. Bikarhêner dikarin bi awayekî nivîskî û dengî peyamên xwe parve bikin. Temenê herî kêm ji bo beşdarbûna platformê 13 ye. Bikarhêner dikarin bi hev re lîstikan bilîzin. Ew dikarin ekrana xwe parve bikin. Herwiha dikarin deng û vîdeoyan bi hev re temaşe bikin.
Sedemên astengkirina Discordê
Rayedarên Tirkîyeyê vekirina platformê asteng kiriye. Li gor hikumetê sedemên vê biryarê parvekirina naveroka sûcbar in. Herwiha îdîayên şantaj û îstîsmara li zarokan hene.
Wezîrê Ragihandinê Abdulkadir Uraloğlu daxuyaniyek daye û gotiye Discordê nexwestiye navnîşanên IP û naveroka têkildar bi rayedarên dewletê re parve bike. Ji ber vê yekê biryara astengkirinê hatiye dayîn.
Alîyên neyînî yên Discordê
Discord bi îdîayên sûcên înternetê hatiye sûcdarkirin. Li Stenbolê bûyereka dilêş qewimiye. Du keçên 19 salî bi awayekî hovane hatine kuştin. Tê gotin ku kujer bi komeka “Incel” re li ser Discord di têkilîyê de bûye. Incel kurtkirina “Involuntary celibate” ye. Incel komên mêran in ku nikarin têkilîyên romantîk ava bikin in. Piştî vê bûyerê, gelek kesan bal kişandine ser komên li ser Discordê. Ew dibêjin ku ev kom naverokên sûcbar parve dikin. Herwiha ew endamên xwe ber bi sûcan ve dixapînin.
Dîtinên pisporan
Rojnamevan û Şêwirmendê Ragihandinê Mehmet Şafak Sarî hişyarîyek daye. Astengkirina Discord dibe ku zarokan ber bi platformên girtîtir ve bibe. Sarî mînakeka berê aniye bîra me. Dema ku Roblox hate qedexekirin, zarokan berê xwe da malperên cuda. Ew dibêje ku dibe ku em heman tiştî di Discordê de jî bibînin. Pisporên ewlehîya înternetê jî hişyarîyan didin. Ew dibêjin ku astengkirin bi tenê çareserî nîne. Divê perwerdehî û çavdêrîya dêûbavan jî hebe.
Rewşa li derveyî Tirkiyeyê
Rûsyayê jî berîya Tirkîyeyê Discord qedexe kiribû. Rûsyayê gotibû ku Discord qanûnên wan binpê dike. Li gelek welatên dî jî nîqaşên li ser Discord hene. Hin welat dixwazin zêdetir çavdêrî li ser platformê hebe.
Astengkirina Discordê nîqaşên nû derxistine holê. Pirsên li ser ewlehîya zarokan li ser înternetê hatine rojevê. Herwiha pirsên li ser mafê gihîştina agahîyan jî hene. Pêwîst e ku hevsengîyek di navbera ewlehî û azadîyê de bê dîtin.
Çavkanî: BBC Türkçe, Botan Times, Discord, Wikipedia, Unsplash
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
