Rojnamegerên li Tirkiyê kar dikin rojane rastê binpêkirinên mafan tên.
Li gor komeleya Rojnamegeran ya Dicle Firatê jî di sala 2022an de mesaiya rojnamegeran zedetir li koridorên edlîyeyan derbas bû.
Abdurahman Gok jî yek ji wan rojnamegeran e.
Gokê ku di sala 2017an di Newroza Amedê de weneyê kêliya kuştina Kemal Kurkutê girtibû ji wê sale ve li korîdorên edlîyeyan diçe û tê.
5emîn Dadgeha Cezayên Giran a Amedê bi îdiaya ku “propagandaya rêxistinê kiriye” sal û 6 meh û 22 roj cezayê girtîgehê dabû Gok.
Dadgeha Istinafê jî wê cezayê li Gok hatibû birîn pesend kir.
“Ji destpêkê heya niha ev doz cezakirina karê rojnamegeriyê”
Rojnameger Gok li ser biryara dadgehê ji Botan Timesê re dibêje, “Çi hat serê min piştî girtina wêneyên Kemal Kurkut hatiye serê min. Dewletê dev ji min berneda. Ji bo cezakirina min ev doz li min hate vekirin.”
Wî dîyar kir ku ji destpêkê heya niha doza cezakirina karê rojnamegeriyê û got,
“Destpêkê ji bo min 27 sal ceza xwestin, di berdewamiya dozê de dozgerê dosyayê di derbarê min de careke din serlêdana sûc kir. Dosyayeke din di derbarê min de amade kirin û bi dosyaya ez dihatim darizandin ve kirin yek dosye. Di berdewamiyê de jî ceza birîn. Ewqas ji vê heqîqetê aciz bibûn ku cezayê li min birîn taloq jî nekirin.”
Gok dibêje, “Berdêla rastiye heye ev ceza jî berdêla ragihandina rastiyê ye.”
Çi bibû?
Kemal Kurkut ê 23 salî xwendekarê Beşa Muzîkê ya Fakulteya Huneran a Zanîngeha Înonuyê bû.
Di 21ê Adarê 2017an de ji bo tevlî Newroza Amedê bibe hatibû bajar û li nêzîkî Parka Newrozê di xala kontrolê de ya polîsanan de rastî gulebarana polîsan hatibû û jiyana xwe ji dest dabû.
Walîtiya Amedê diyar kir ku di destê Kurkut de kêr hebû û “gumana xwekujiyê li ser wî hebû” û herwiha derbarê bûyerê de lêpirsîn dabûn destpêkirin.
Lê weneyên Gok van gotinan berovajî kiribû.
