Çavdêrîya li medyaya Kurdî – 03.03.2023

Sekreterê Giştî yê NY’ê çû Hewlêrê

Sekreterê Giştî yê Neteweyên Yekbûyî (NY) Antonio Guterres îro çû Hewlêrê û ligel Serokê Herêma Kurdistana Federe Nêçîrvan Barzanî re hevdîtin kir. 

Diyarname

Mêran di meha Sibatê de 11 jin kuştine

Mêran di meha Sibatê de tundkarî herî hindik li 40 jinan kirine. Mêran, zarokên kur jî di nav de herî hindik îstismar li du zarokan kirine, herî hindik jinekê tacîz kirine.

bianetKurdî

Saqoyê M. Uzun û romana kurdî

Ji nifşê salên 70’î ku endamên wê ji rêxistinên curbecur dihatin, bi çûyina Ewropayê re û bi dîtina serbestiya zimanê kurdî ya li wan welatên penaberiyê, nifşekî wêjeyî peyda bû. Vî nifşê nû, kurdî berî hertiştî weke qada terapiya xwe dît. Weke darên ku ji rehên xwe veqetiyayî, hemûyan xwe li zimanê kurdî girt. Komele, weşanxane, rojname û sazî û dezgehên ku li Swêd û Almanya û Fransayê hatin avakirin, herweha bûn qadên weha ku dengê Kurdan di ser wan re gihîşt civaka derve jî.

Çandname

Ne erdhej e, komkujî ye!

Bûyerên xwezayê ji dîroka mirovahiyê kevntir û wêdetir in. Lewre destpêka avabûna gerdûnê û rûyê erdê weke bi milyar salan berê niha tê bilêvkirin. Mirovahî di nava vê deryaya bêserûbinî de dilopek e bêguman lê bi bandora xwe ya li ser xwezayê gelek caran pêl dide û vê deryaya mezin carinan geş dike lê mixabin pir caran jî dibe sedema aloziyên mezin û deryaya ku em tê de dijîn dike çaleke ji agirê dojehê.

Erdhêj çawa dikare bandorê li derûnîya mirovan bike?

Di destpêka Sibatê de li Tirkiyeyê û Surîyeyê du erdhêj pêk hatibûn. Armanca ewil a timên lêgerin û rizgarkirinê ew bû ku xelkê bi lezgînî ji bin kavilan derbixin.

Erdhêjê 23 roj li du xwe hiştin. Êdî lêgerina kesên di bin kavilan de gihişt dawîyê. Ji niha pê ve êdî welatî dê bi zehmetîyên din re rûbirû dimînin. Ji bo wan kesên ku malbat, heval, xanî û gelek tiştên xwe yên din di erdhêjê de ji dest dane rojên zehmettir dest pê dikin.

BotanTimes