Botan Internationalê du kargehên li ser podcastan pêk anîn

Botan Internationalê du kargehên li ser podcastan pêk anîn
Botan Internationalê du kargehên li ser podcastan pêk anîn
Engin Ölmez

Botan International bi piştgirîya Fona Demokrasîyê ya Ewropayê bi awayekî Online, Kargehên Rojnamegerîya Kurdî ya Dîjîtal pêk tîne.

Di roja ewil ya kargehê da, 27ê Cotmehê Omer Faruk Baran û Semiha Yildizê mijarên xwe pêşkêş kirin.

Omer Faruk Baran li ser Hazirkirina Naverokên Podcastan û Semîha Yildiz jî li ser Teknîka Çêkirina Podcastan axivî.

Baran li ser maweyê podcastan beyan dike ku her ku podcast dirêj dibe guhdar ewqas aciz dibe. Ew pêdivêyê bi wê çendê dibîne ku divê tiştên herê muhîm û balkêş bêne hilbijartin û pêşkêşkirin. Baran vê yekê di peywenda nûçegihanîya BBC da dinirxîne ku BBC di deqîqeyekê da dikare temamîya rojeva cîhanê pêşkêş bike. Ew dibêje ku Agahî çiqas kurt û giring bin ewqas baş e. Herwiha lê zêde dike ku divê di hevokekê da herî zêde du ‘ku’ hebin ji bo ku hevok komplîke nebe.

Podcastkar Baran li ser problemên zimanî axivî û got divê zimanê podcastên me ji alîyê her kesî ve bê fahmkirin ji bo wê jî zimanekî kolanî divê bê bikaranîn. Baran pêdivîyê bi wê çendê dibîne ku divê ji her herêmê peyv bêne bi kar anîn. Ew dibêje Podcast ne ji bajarekî ye ji her derê ye.

Baran dibêje divê di podcastan da kirde li serê hevokê be ji bo fahmbarîyeka hevgir û teqûz. Lê zêde dike ku di berdewamîya nivîsê da divê hevgirtinek di navbera hevokan da bê dayîn ku mirov bigehije meqseda xwe. Herwiha ew beyan dike ku divê binê her navekî û agahîyekê bi agahîyên din bêne qewîkirin.

Omer Faruk Baran dibêje zemanê podcastkarî çiqas muhîm be yê guhdarî jî ewqas muhîm e.

Semîha Yildiz li ser çêkirina podcastan, li ser mijarên wekî gava mirov dest bi podcastekê dike çi ekipman lazim in, di qeydkirina dengan da mirov divê li çi baldar be û kîjan bername bo qeydkirina dengan baş in axivî û pêşkêşîya xwe kir.

Yildizê mînakeka dengî li ser Audacity qeyd kir û li ser Premier Proyê edît kir û li ser vê yekê sekinî. Ji bo ku dengekî paqijtir derkeve di editkirinê da, bernameyên pêwîst yên effectan kar anîn û mînakek li ser hişê çekirî jî da.

Hin pêşniyarên Semîha Yildizê bo çêkirina podcastan:

Anchor : Ji bo mobile

Zencastr: Ji bo hevdîtinên online

Audacity: Ji bo computerê

Adobe Premier pro, adobe audition : ji bo editkirinê