Rojnamegerên ku hackirina e-maîlên Berat Albayrakî kirine nûçe têndarizandin, dê di 31ê Kanûnê de li dijî nêrîna dozger dê parastinê bikin. Dema ku Berat Albayrak Wezîrê Enerjî û Çavkanîyên Sirûştî bû e-maîlên wî hatibûn hackirin û hin rojnamegeran jî bi nûçeyan ev e-maîl eşkere kiribûn, biryara dozê taloqî 31ê Kanûna Pêşîn bûye.
Du rojan berî rûniştinê, dozgerî mûtalaaya xwe pêşkêşî Dadgeha Cezayê Giran a 29an a Stenbolê kiribû û xwestibû ku xebatkarê BîrGûnê Mahir Kanaat, edîtorê berê yê Dikenê Tunca Öğreten, midûrê nûçeyan ê DÎHAya hatî girtin Omer Çelîk, rojnameger Metin Yoksu, edîtorê rojnameya Yolculukê Eray Saygın û berpirs û midûrê ETHAyê Derya Okatan bi sûncê ”bi awayekî neqanûnî dane yan jî wergirtina daneyan” werine darazandin û cezakirin. Herweha xwest ku Okatan, Eray, Yoksu û Çelik jî ji ber ‘propagandaya rêxistinê ya zincîrkirî’ bên cezakirin.
Di rûniştinê de hat dîtin ku lijneya dadgehê hatiye guhertin, dozger nêrîn û mûtalaaya xwe dubare kir. Parêzerên rojnamegeran ji bo miwekîlên wan xweparastina xwe bikin dem xwestin.
Dadgehê ev daxwaz qebûl kir û rûniştin taloqî 31ê Kanûna Pêşîn kir. Dadgehê hukma kontrola edlî yên rojnamegeran betal nekir.
Çavkanî:Bianet*
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
