Li Batmanê pêşangeha kitêbên kurdî tê lidarxistin. Pêşangeh bi hevkarîya Komelaya Lêkolînên Ziman û Çandê, Şaxa Egitim-Sena Batmanê û Şaredarîya Batmanê tê lidarxistin.
Ev pêşangeh bo bîranîna Cegerxwîn tê lidarxistin.
Pêşangeh 16yê Cotmehê dest pê kirîye û dê heta 20ê Cotmehê berdewam bike.
Li gorî nûçeya Vîdeo-nûçeya Rûdawê ji 25 weşanxaneyan zêdetir weşanxaneyên kurdî beşdar bûne ku bi temamî 40 weşanxaneyên kurdî hene li Bakûrê Kurdistanê û Tirkîyeyê.
Nûçegihan Rûdawê ligel şair berken Bereh diaxive ku kitêbên xwe bo xwînerên xwe îmze dike. Bereh dibêje: Xewna min xewna Ehmedê Xanî ye.
Berken Bereh hest û nêrînên xwe tîne ziman derbarê yekemîn pêşangeha xwerû bi kurdî ku li Bakûrê Kurdistanê tê lidarxistin.
Berken Bereh di berdewamîya axaftina xwe da wiha dibêje: Cihê bextewarîyê ye. Cara yekê ye bi navê fuara pirtûkên kurdî tê lidarxistin. Helbet ez bi vê serbilnd û bextewar im. Xewna min xewna Ehmedê Xanî ye. Kelama kurdî li banê gerdûnê her bi milmile û bala be.
sitesinden daha fazla şey keşfedin
Subscribe to get the latest posts sent to your email.
