Belgefîlma ‘Wergerandina Ulysses’ê dê li Tirkîyeyê bê nîşandan

Belgefîlma ‘Wergerandina Ulysses’ê a ku li ser serpêhatiyên wergêr Kawa Nemirî hatiye çêkirin li Tirkîyeyê tê nîşandan.

Fîlm 11ê Hezîranê dê cara yekem di çarçoveya DOKUMENTER 16emîn Rojên Belgefîlman a Stenbolê bê nîşandan.

Derhenerîya fîlmê jî Aylin Kuryelê û Firat Yucelî kirine.

Festîvala DOKUMENTER 16emîn Rojên Belgefîlman a Stenbolê dê heta 15ê Hezîranê berdewam bike.

Kawa Nemir kî ye ?

Şa’ir, wergêrr û nivîskar. Di 29ê Gulana sala 1974an da li Îdirê ji dayîk bûye.

Li Zankoya Hacettepeyê ya Enqereyê û li Zankoya Stembolê demekê Ziman û Edebiyata Ingilîzî xwend. Piştî wê, di para Ziman û Edebiyata Yewnaniya Kevn a heman zankoyê da du salan xwend.

Edîtoriya kovara mehane ya bi navê Jiyana Rewşen a keltorî, hunerî û edebî kir, di pey re jî, edîtoriya kovara Rewşen-Nameyê. Di sala 2003yan da weşanxaneyeke bi navê Bajar damezirand.

Wî heta roja îro berhemên gelek şa’ir, çîroknûs, romannûs û şanonûsên bijarte yên ji edebiyata û şanoya ingilîzî, emerîkî, ayrlendî û tirkî kirine malê zimanê kurdî.