Koma muzîka folk-rockê ya Kurdî û Tirkî BAJAR dê 23yê Çilê (Rebendanê) roja Yekşemê li Arsen
Lupen Taksimê bi organîzasyona Chalak Eventsê saet 20.00ê derkeve ser dikê. Piştî demekê direj
BAJAR dê li Beyogluyê derkeve ser dikê. Herwiha mêvanê vê konserê stranbêjê muzîka rapê Reqso
ye.
Herwiha xwedî organîzasyona vê konserê Chalak Eventsê 15 bilêt ji bo xwendekaran wekî dîyarî dane
û kampanyaya bilêtên dîyarî ji bo xwendekaran daye dest pê kirin.
BAJAR ya ku di sala 2009an de dest bi çîroka xwe kirî wekî projeyekî ya Civata Hunerê ya Pêşanî ya
Bogaziçiyê derketiye û stranên folk-rock ên kurmancî, zazakî û tirkî distrîne. Mottoya koma BAJARê
“Ava Feratê tevlî Marmarayê bû.”
Komê heta niha 4 albûm û 7 single derxistine. Ligel van yekan BAJAR ji bo gelek fîlman muzîk çêkiri ye
û xelatên muzîka fîlman wergirtine. Strana Michael Jackson ya bi navê “They Don’t Care About Us” bi
navê “Em Ne Xema Wan in” wergerand kurdî û strand, strana Leonard Cohen ya bi navê “Everybody
Knows“ jî wekî “Herkes Biliyor (Her kes Dizane)” wergerand û strand.
Koma BAJARê ji çar kesan pêk tê, solîstê komê Vedat Yildirim e ku ji Kardeş Türkülerê tê nasîn,
Cansun Küçüktürk di elektro gitarê de ye, Halil Arslan li ser klavyeyê ye û Ethem Saran jî li ser daholê
ye.
