Serokê Partiya Tevgera Netewperest (MHP) Devlet Bahçelî di civîna koma partiya xwe de axivî.
Tiştên ku di maça Bursaspor-Amedsporê de qewimîn jî di rojeva Bahçelî de bû.
Bahçelî ku li cihê Amedsporê îfadeya ‘Diyarbakirspor’ bi kar anî û got,
Ji ber helwesta wan ya netewî ez alîgirên Bursasporê pîroz dikim.
Ji bo me cihekî wekî Amedê nîne û behsa Amedsporê jî nayê kirin.
Ez ji vir silavan li alîgirên Bursasporê dikim.
Çi bûbû?
5ê Adarê li Bûrsayê, di navbera Bursaspor û Amedsporê de maçeke futbolê hatibû lîstin.
Rojeke beriya maçê, alîgirên tîma Bursasporê çûbûn ber otela ku futbolîstên Amedsporê lê diman û sloganên nîjadperest berz kiribûn.
Di maça hat lîstinde jî alîgir û rêvebirên tîma Bûrsasporê êrîşî lîstîkvanên Amedsporê kiribûn.
Her wiha ji aliyê alîgirên Bursasporê ve wêneyên torosên spî û endamê JITEMê Mahmut Yıldırım hatibûn vekirin.
Tişta ku li Amedsporê hat kirin, ji aliyê gelek kesan ve wekî êrîşek nijaperestî hatibû binavkirin.
