Bi Milyonan kesan ji Florîdayê dest bi revê kirine, ji ber ku Bagera Miltonê bi lez ber bi qeraxa rojavayê eyaletê ve tê.
Ev bagera ku wek bagera pileya pêncemîn tê binavkirin, tê texmînkirin ku îşev bigihîje herêma Tampayê. Tê texmînkirin ku bager dê bi bayên xurt ên heta 270 km/saetî were.
Serokê Amerîkayê Joe Biden hişyarî daye û gotiye birevin ev “man û neman e”.
Florîda niho di nav hewldaneka revê ya herî mezin a çend salên dawî de ye.
Ev bûyer tenê du hefteyan piştî Bagera Heleneyê tê. Ku wek bagera pileya çaremîn qeraxa Kendavê lêxistibû.
Di wê bagerê de herî kêm 225 kes li eyaletên Florîda, Georgia, South Carolina, Tennessee, Virginia û North Carolînayê miribûn.
Rayedarên herêmî bang li hemwelatîyan dikin ku rêzikên ewlehîyê bişopînin û li cihên ewle bibin starî. Tê çaverêkirin ku ev bager dê zirareka mezin bide avahî û jêrxaneya herêmê.
Çavkanî:
- Nûçeyên herêmî yên Florîdayê
- Daxuyanîya Serokê Amerîkayê Joe Biden
- Botan Times
sitesinden daha fazla şey keşfedin
Subscribe to get the latest posts sent to your email.
