Amerîka û Erebistana Siûdî daxuyanîyeka hevbeş belav kir. Her du welatan amadekarîya xwe ya ji bo karkirina bi Şamê re dîyar kir. Sûrîye endama 90î û ya herî nû ya hevpeymanîyê ye. Hevpeymanî daxwaz ji endamên xwe kir ku piştgirîya rasterast bidin Sûrîye û Iraqê.
Plana entegrasyona leşkerî
Hevpeymanîyê agirbesta mayînde ya li bakurê rojhilatê Sûrîyeyê silav kir. Di daxuyanîyê de behsa amadekarîyên entegrasyona sivîl û leşkerî hat kirin. Berî çend hefteyan di navbera hikûmeta Sûrîyeyê û HSDyê de şer derketibû. Şamê dixwest kontrola xwe li ser herêmên di destê kurdan de zêde bike.
Parastina navendên girtîgehan
HSD li dijî çalakîyên DAÎŞê hêza herî serekî ye. Ev hêz pasewanîya gelek girtîgehên çekdaran û malbatên wan dike. Şam û HSDyê vê mehê bi navbeynkarîya Amerîkayê agirbestek ragihand. Her du alî ji bo pêkanîna peymanê gavan diavêjin.
Vegerandina çekdarên girtî
Iraqê qebûl kir ku bi hezaran çekdarên DAÎŞê werbigire. Hikûmeta Iraqê dest bi lêkolîna li ser girtîyan kir. Hevpeymanîyê ji ber vê rêberîyê spasîya Iraqê kir. Transferkirina girtîyan ji bo ewlehîya herêmê wekî gava serekî hat dîtin. Endamên hevpeymanîyê biryara xwe ya li ser têkbirina DAÎŞê li Iraq û Sûrîyeyê dubare kir.
Çavkanî: Sara Ruthven/The National, Botan Times
sitesinden daha fazla şey keşfedin
Subscribe to get the latest posts sent to your email.
