Seîd* dibêje: “Li vir mafê mirovan û demokrasî nîne, em rehet nînin”. Ew nerazîbûna xwe ya êrişên Tirkîyeyê tîne ziman ku dibêje: “Yên têne bombekirin birayên me ne û heta mirinê em dê destekê bidin wan”
Li Amedê, xelkê hîs û fikrên xwe derbarê Şerê Îsraîl-Filistîn û êrişên Tirkîyeyê yên li ser Rêverberîya Xweser ya Bakur û Rojhilatê Surîyê da bo Botan Timesê gotin.
Çend kesan ji ber egerên cuda cuda nexwestin li ser her du şeran biaxivin. Bi taybetî jî nexwestin li ser êrişên Tirkîyeyê yên li ser Rêveberîya Xweser biaxivin ku hin kesan wiha got:
“Sîlîvrî sar e, bela xwe ji me veke keko.”
“Em newêrin xeber bidin.”
“Heta dewra Recep Tayip Erdoğan diqede ez rojevê naşopînim.”
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
“Piştî şerê Sûrê me dev ji sîyasetê berda.”
Xalid*, dilnexweşîya xwe wisa tîne ziman ku hem bi şerê Îsraîl-Filistîn hem jî erişên Tirkîyeyê ew aciz e ku ew dibêje: “Zilm li kî derê hebe divê mirov dengê xwe derxe”.
Ew lê zêde dike û beyan dike ku aniha kesek rabe, derkeve qadê fikrên xwe bêje an jî çalakîyekê bike bi sedan polîs li ser serê wan kom dibin lê ji bo çalakî û meşên şerê Îsraîlê polîs dengê xwe nakin.
Xalid, dîyar dike ku dinya li hemberî êrişên Tirkîyeyê yên li ser Rêveberîya Xweser bêdeng mane ku gelek cihên debarê yên wekî santralên ceyranê, imbarên xwarinê û gelek dezgehên din wan bombebaran kirine.
Egîd*, destnîşan dike ku Tirkîye feqîr û jaran bombebaran dike û ew dibêje: “Çi gunehê wan heye, qaşo dibêjin em bisilman in” ew lê zêde dike û beyan dike ku çi heqê wan nîne Surîyê dagir dikin. Ew acizî û reddîya xwe ya li ser êrişên Tirkîyeyê tîne ziman û dibêje: “Çi îşê wan li wir e”.
Xalid beyan dike ku divê Tirkîye dev ji wan durûtîyan berde.
Egîd dibêje: “Kî dibe bila bibe em li dijî zilmê ne”
Xalid destnîşan dike ku herçiqas Rêveberîya Xweser gotîye ku ew kesên ku teqîn pêk anîne ji Surîyê derbasî Tirkîyeyê nebûne jî, Tirkîyeyê ev wekî hincet ji xwe ra dîtîye ku êrişê bibe ser Rêveberîya Xweser ku ew dibêje: “Ev êriş li hemberî sivîlan e”
Ew dibêje “Ma dinya vîya nabîne, çima yek dengê xwe ji vîya ra nake lê ji Filistînê ra dengê xwe derdixin, dubendîyê û durûtîyê dikin”.
Ji bo êrişên Tirkîyeyê Xalid dibêje: “Ev li dijî kanunên şerî şer dikin û ya ku ew dikin teror e”.
Musa* dibêje: “Madem dewleta Tirkîyeyê bisilman e çima naçe alîkarîya Filistînê nake. Li van deran sloganan diavêjin, eskerê xwe naşînin!”
Egîd dibêje: “Divê Tirkîye ewil li problemên xwe yên li nav xwe meyzîne paşî li derveyî Tirkîyeyê”
Ew dibêje: “Kesên ku rastîyê dibêjin aniha hemî di zindanan da ne”
Seîd* dibêje: “Li vir mafê mirovan û demokrasî nîne, em rehet nînin. Ew nerazîbûna xwe ya êrişên Tirkîyeyê tîne ziman ku dibêje: “Yên têne bombekirin birayên me ne û heta mirinê em dê destekê bidin wan”
*Navên ku hatine bikaranîn mustehar in. Ji ber ewlîha axêverên roportajê navên mustehar hatine bikaranîn.
- Derçûyê beşa Edebîyat û Zimanê kurdî û Mastera bitez a kurdî ye. Olmez, ji bilî karê akademîyê li Mirza Basım Yayım Dağıtım Sanayi ve Ticaret Limited Şirketi (Pirtukakurdi)yê wekî asîstan xebitîye. Wî edîtorîya 3 kitêban û redaktorîya kitêbekê kirîye. Li companîya Thotsê a Çînê karê deşîfrasyonê di zimanê kurdî da kirîye. Wî li ser malpera Kurdshopê, wek qunciknivîs li ser edebîyat, çand û hunerê nivîsîye. Ew li Botan Internationalê wekî edîtorê nivîsaran dixebite.
Weşanên dawiyê
Hevpeyvîn10/09/2024KURTEPIRS: Ali Kemal Çınar
Rojev29/08/2024MEB: Li dibistanan metoda pirzimanî tê xurtkirin
Hevpeyvîn23/08/2024KURTEPIRS: Sadiq Ûskan
Hevpeyvîn21/08/2024KURTEPIRS: Jehrmar
