Li Amedê Polîsan bi ser Payîz Pirtûk û MED-DERê da girt.
Payîz Pirtûk kitêbfiroş e û ew zêdetir kitêbên kurdî difiroşe. Herwiha Komeleya Lêkolînên Ziman û Çandên Mezopotamyayê MED-DER jî sazîyeka zimanî ye û li wir zimanê kurdî tê fêrkirin.
Li gorî nûçeya Ajansa Mezopotamyayê polîsan vê sibêhê li Amedê bi ser avahiya Komeleya Lêkolînên Ziman û Çandên Mezopotamyayê (MED-DER) ku xebatên zimanê kurdî bi rê ve dibe û avahiya Payîza Pirtûkê ve girtin. Hat zanîn ku gelek xebatkarên MED-DER’ê hatine binçavkirin. Li avahiya MED-DER’ê û Payîz Pirtûkê lêgerîna polîsan didome.
Nûçegihanê Rûdawê, Maşallah Dekak bo Rûdawê da zanîn ku gelek mamoste, xebatkar û rêvebirên MED-DERê hatine desteserkirin.
Hevserokê berê yê MED DERê Rifat Ronî, Hevserokê MED-DERê Mehmet Remzî Azîzolu, Hevserokê MED-DERê Ramazan Holat Şukran Yakut û Rêvebera MED-DERê Dîlan Guvenç hatin desteserkirin.
Her wiha ji bilî van, Nazan Çelîk, Rezan Aktulum, Berîtan Gurbet Orak, Bêrîvan Duman, Ayhan Karatekîn, Belkis Bîtkîn Cîhat Guneylî, Mehmet Salih Ongun, Îlyas Gun û Hebûn Yagmur Mîne Karakaş jî hatin desteserkirin.
sitesinden daha fazla şey keşfedin
Subscribe to get the latest posts sent to your email.
