Şîrketa şêwirmendî û lêkolînê ALF îro Şemîya encama anketa xwe ya ser rêberên muxalefeta Tirkîyê weşand. ALF da zanîn ku xebatkarên wan ji 5 heta 8ê Berfabarê li 26 bajarên Tirkîyê ji 2160 kesan pirsîne ka ew ji rêberên muxalefetê yên 2022yan herî zêde kê diecibînin. Li gor anketa ALF, %29,7 beşdarên anketê dane zanîn […]
Şîrketa şêwirmendî û lêkolînê ALF îro Şemîya encama anketa xwe ya ser rêberên muxalefeta Tirkîyê weşand.
ALF da zanîn ku xebatkarên wan ji 5 heta 8ê Berfabarê li 26 bajarên Tirkîyê ji 2160 kesan pirsîne ka ew ji rêberên muxalefetê yên 2022yan herî zêde kê diecibînin.
Li gor anketa ALF, %29,7 beşdarên anketê dane zanîn ku ew heyranê Serokê Partîya Komarî ya Gel (CHP) Kemal Kiliçdaroglu ne.
Seroka Îyî Partî Meral Akşener bi rêjeya %21,5 li dû Kiliçdaroglu tê.
Hevserokên Partîya Demokratîk ya Gelan (HDP) Pervîn Buldan û Mîthat Sancar bi rêjeya %7,8 di rêza 3yan de ne.
Hêjayî balkişandinê ye %11,4 beşdaran dîyar kirine ku ew ti rêberên muxalefetê naecibînin.
Di halê hazir de, Partîya Dad û Pêşvebirinê (AKP) li Tirkîyê îqtidar e û li meclîsa bi 600 kursî, ya CHPê 134, ya HDPê 57 û ya Îyî Partî jî 37 kursîyên wê hene.