Adiyaman, ku hin Kurd bo wê dibêjin Semsûr, bi nifûsa xwe ya Kurmanc, Zaza, Tirk, Elawî û Sunîyan tê naskirin. Li vî bajarî tradîsyona partîyên muhafazakar-dîndar xurt e. Ev bajar ji destpêka avabûna AK Partîyê vir ve, ji serê salên 2000î vir ve yanî, giranîya xwe dide ser wê partîyê. Lê li gor Cumhuriyet Halk Partisi (CHP), kesên ji deprema 6ê Sibata 2023yan sax filîtîne bi dilşikestinê ji AK Partîyê veçerixinîne û hatine hêla wan.
Ji berpirsên CHPê yên li Adiyamanê Burak Binzed dibêje deprem afat e, kes nikare rê li ber bigire, lê dibêje jiber ku piştî depremê mudaxale dereng bû ewên sax jî di bin enqazan de mirin. Bi ya Binzed, meyla Adiyamanê ya li ser partîyên muhafazakar rastîyek e, lê dibêje bi depremê re rewş guherîye.
Bi guherîna rewşê re, hilweşîna xanî û bînayan re CHP neçar maye li çadir û qehwexaneyan karên xwe bimeşîne.
”Adıyaman Kıraathanesi” bûye merkeza CHPê ya li bajêr.
Heyranên CHPê li vê merkezê hem ser depremê xeber didin hem ser siyasetê.
Hema bêje li kê silav didî dide zanîn ku 30-40 nasên wî di depremê de mirine.
Merkeza li Adiyamanê di ser Halk TV ya tim vekirî re bi merkezên li Enqere û Stenbolê di danûstandinê de ye.
sitesinden daha fazla şey keşfedin
Subscribe to get the latest posts sent to your email.
