Botan Internationalê bi piştgirîya Rojnamegerên Sînornenas (RSF) kargehên rojnamegerîya dijîtal pêk tîne.
Abdurrahman Gok li ser amadekerina dosye-nûçeyan gotara xwe pêşkêş kir.
Abdurrahman Gok di pêşkêşîya xwe da behsa giringbûna nûçeyan kir. Ew dibêje ji bo bûyerek bibe nûçe divê xwedîyê hin taybetmendîyan be. Dûrbûn ji bo nûçeyan ne asteng e, ya muhîm ew têkilîya wê ya ligel civakê ye.
Gok li ser bûn û nebûneka bûyerekê, ka çawa bûyerek an meseleyek dibe mijara nûçeyê wiha got: Ji bo ku tiştek bibe dîyardeyeka berçav divê ew tişt wekî nûçe bê ragihandin.
Hinek bûyer hene civak jî şahîdîya wan dike (wekî, merasîm, pîrozbahî) lê ferq û cudahîya civak û rojnamegeran hene. Gok dibêje rojnameger, tiştê ku şahidîya wan kirîye ji bo nehaziran radigehîne û civakê jî dike parçeyek ji şahidîya bûyerê ku her wekî bi çavê xwe şahidîya wê bûyerê kiribe.
Eger erd erdê me be, rola me rojnamegeran zêdetir dibe.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Abdurrahman Gok
Ew li ser etîk û wijdana rojnamegerîyê axivî û wiha got: Sê Ç û sê K têra wê çendê nake ku dosyeyeka baş ya nûçeyan derkeve. Divê ligel Sê Ç sê Kyan çavkanî, etîk û wijdana mirovî jî hebe. Ji ber ku bi sê Ç û sê Kyan dibe ku derewek jî bi awayekî birêkûpêk bê ragihandin.
Rojnameger dema mesulîyeta xwe bi cih tînin jî, berpirsyarîya wan piştî wê naqede.
Abdurrahman Gok
Gok li ser dirêjî û kurtîya nûçeyan axivî, ew dibêje dirêjî û kurtîya nûçeyê ne giring e, ya giring nivîsîna wê ya birêkûpêk e, ya giring komposîzyon û vegêrana wê ya teqûz e.
Ew li ser amadekirina dosye-nûçeyan axivî, ew dibêje bûyereka hêj nû, nabe dosye-nûçe, ji bo dosye-nûçeyê ji destpêka bûyerê heta bi proseya encamdana wê lêkolîneka berfireh lazim e.
Bêyî agahî û zanyarîyên li ser bûyerê tecrûbe bê kêr e.
Abdurrahman Gok
