8. Fîlmefestîvala Navdewletî ya Duhokê îsal di navbera 15-22ê Mijdarê da li parêzgeha Duhokê bi rê ve diçe.
Desteya birêvebir ya festîvalê bi dîdareka çapemeniyê naverok û bernameya 8. Fîlmefestîvala Navdewletî ya Duhokê ragehand û derbarê fîlmefestîvalê da hûrgilî û melûmat belav kirin. Festîvala Duhokê, sala borî ji ber egera nexweşiya Covîd-19ê û fikar û endîşeya tenduristiya civakê pêk nehatibû.
Serokê îsal yê festîvalê Emîr Elî û rawêjkarê festîvalê Mehmet Aktaş li ser girîngî û eleqeya festîvalê axivîn û amarên fîlman destnîşan kirin.
Li gorî neqilkirina Aktaşî li seranserê cîhanê nêzîkî 1000 fîlman serî li festîvalê dane. Ji van fîlman nêzîkî 600 fîlm navdewletî ne. Herwiha nêzîkî 200 fîlmên kurdî jî serî li festîvalê dane.
Di çarçoveya bernameya festîvalê da ji zêdetirî 25 welatan, bi temamî 94 fîlm dê bên nîşandan. Ji van fîlmên beşdar 45 fîlm kurdî, 49 fîlm jî navdewletî ne.
Festîval îsal bi fîlma Şewket Emîn Korkî ya bi navê “Ezmûn” dest pê dike.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Fokûsa festîvalê li ser Afganistanê ye
Ji ber rûdanên li Afganistanê û awarebûna derhênerên afgan festîvalê fokûs û meyla xwe daye li ser fîlmên afganî. Di çarçoveya festîvalê da dê 8 fîlmên afganî jî bên nîşandan.
Babeta festîvalê: jîngeh
Bi armanca balkêşandina li ser wêranbûna sirûştê û parastina wê babeta festîvalê îsal li ser jîngehê ye.
Panel û kargeh
Ji xeynî nîşandana fîlman, festîvalê bernameyaka rengîn heye. Di çarçoveya festîvalê da panel û kargeh jî dê pêk bên. Bi armanca pêşvebirina berhemanîna fîlman ji bo sînemakarên genc kargeha Nûhatê dê bê pêkanîn. Herwiha li ser babetên ciyawaz yên wekî “Di sînemaya kurdî û dramayê da sektora taybet”, “Bilindbûna lîstikvanên kurd di sînemayê da”, “Dahatûya sînemaya kurdî çawa dikare bê misogerkirin” û “Danasîna Fona Fîlman ya Göteborgê” dê panel bên pêkanîn.
Lîsteya fîlmên kurdî yên di pêşbirkê da
Dirêjefîlmên kurdî
Brothers Keeper – Ferît Karahan
Dirty Lands – Ala Hişyar û Riza Aleî
Landless – Tûrec Aslanî
Sidik and The Panther – Rêber Doskî
The Dance of Ali And Zin – Mehmet Alî Konar
The Little Refugee – Betîn Qubadî
Zalava – Erselan Emîrî
Kurtefîlmên kurdî
Seven Symphonies – Perwîz Rostemî
The Last Apple – Chalang Jamal
After The Rain – Beston Zirian
I’m Raining Down Into The City – Kasım Ördek
Voices In the Waves – Navid Zare
Ayshya – Cengiz Akaygün
The Other – Saman Hosseinpour û Ako Zandkarimi
Ido – Saman Mustefa
The Room – Sami Mermer û Houman Zolfaghari
Siber – Majid Dervishnejad
Ajotin – Muhammed Seyyit Yıldız
Belgefîlmên kurdî
Holy Bread – Rahim Zabihi
Sîpano – Sinan Yıldız
Turtle – Shahram Maslakhi
Heskîf – Elif Yigit
Migratory Birds – Gül Ertunan Karaaslan û Sedat Kıran
Casimê Celîl – Özlem Diler û Celil Badikanlı
