Li Tirkiyeyê sê roj in yek ji malperên herî mezin ên medyaya civakî ya bi navê Instagram qedexe ye. Ji ber qedexebûna Instagramê gelek bikarhênerên wê malperê Torên Taybet ên Sin’î (VPN, virtual private network) bi kar tînin.
Li gor malpera Komeleya Azadiya Xweîfadekirinê, li Tirkiyeyê 21 Torên Taybet ên Sin’î qedexe ne.
Çi bûbû?
2yê meha 8ê Saziya Teknolojiyên Zanînê (BTK) malpera Instagramê qedexe kiribû. Li gor nûçeya malpera Medyascopê ji ber “heqareta li Atatirkî” “Îstismara Cinsî ya Li Zarokan” “Li ber dilî şirînkirina xumar û maddeyên hişbir” malpera Instagramê hatiye qedexekirin.
Şirketa Metayê ya xwediya Instagramê ye, yek ji şirketên Dewletên Yekbûyî yên Amerîkayê (DYA) ye. Heman şirket xwediya Facebook û WhatsAppê ye.
Instagram malpereke parvekirina wêneyan e. Di vê malperê de mirov dikare wêneyên xwe parve bike.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Instagram di çiriya pêşîn a 2011an de hatiye sazkirin. Ew sepan di ser de têne di iPhone de dihat bikaranîn lê edî êdî di Androîdê de jî tê bikaranîn. Îro 400 milyon bikarhênerê Instagramê heye.
