سالۆمه‌ جزراوی: وه‌خت وه‌ختێ بله‌زووبه‌زیێ یه‌

سالۆمه‌ جزراوی: وه‌خت وه‌ختێ بله‌زووبه‌زیێ یه‌
سالۆمه‌ جزراوی: وه‌خت وه‌ختێ بله‌زووبه‌زیێ یه‌
Murat Bayram

ژمارا بلۆگێن چالاک ئێن کوردی کێم دبن لێ یه‌ک ژ بلۆگێن کوردی بلۆگا سالۆمه‌ جزراوییێ ژ سالا ۲۰۱۸ئێ ڤه‌ چالاک ئه‌

بلۆگ وه‌ک مالپه‌ره‌کا ناڤه‌رۆک-ده‌وله‌مه‌ند وه‌شانا خوه‌ دکه‌. ل سه‌ر کێمبوونا بلۆگ-مالپه‌ران جزراوییێ به‌رسڤا پرسێن بۆتان تمه‌سێ دا

ئه‌ز باوه‌ر دکم، هه‌رکه‌س د ناڤا گه‌ره‌مۆلا ژیانێ ده‌ هه‌لیا -وه‌ندا بوو به‌رێ هن بلۆگێن کوردی هه‌بوون من ئه‌و دخوه‌ندن، دشۆپاندن. ئانها ده‌نگ ژ که‌سی ده‌رنایێ خوه‌زی هه‌ژمارا وان بلۆگان زێده‌تر بوویانا

ئه‌ز ژ دل ڤه‌ دخوازم هه‌ژمارا ژنێن بلۆگه‌ر ئێن ب کوردی دنڤیسن زێده‌ ببن ئه‌ز دخوازم هه‌موو جوداهیێن وان و مژارێن ڕه‌نگجهێ یێن کو ئه‌و ل سه‌ر دنڤیسن بخوینم و ته‌جروبه‌یێن وان ئێن تاکه‌که‌سی بخوینم

ئه‌ز ئێ به‌رده‌وام کوردی نڤیسم

Blog-malpera Salome Cizrawîyê

ئه‌ز ڤان ده‌مان هه‌ول ددم دا ل سه‌ر ڕه‌سمێ تشتنه‌ بینم پێ هه‌ر وه‌لێ خوه‌ پێش ڤه‌ ببم، ئه‌ز د به‌ر ڕه‌ هه‌م کتێبان دخوینم هه‌م ژی من ده‌ست پێ کر، ئه‌ز ل فلووتێ دخم 

هه‌رچه‌ند ئه‌ز مالباتا خوه‌ و جیرانان ئه‌جز بکم ژی، ئه‌ز هه‌ول ددم دا ئه‌ز بکارم لێ دم

ئه‌ز هه‌ول ددم کوردیا خوه‌ پێش ڤه‌ ببم. جارنا ئه‌ز د نڤیسێن خوه‌ ده‌ خه‌له‌تیان دکم و هنگێ هه‌ڤالنه‌ ب ئاوایه‌کی هشک ڕه‌خنه‌یان ل من دکن. هه‌رچه‌ند ئه‌ز خه‌له‌ت بنڤیسم ژی ئه‌ز دێ نڤیساندنێ به‌رده‌وام بکم

هینبوون من که‌یفخوه‌ش دکه‌

Salome Cizrawî

دبه‌ کو ئه‌ڤ گۆتن ب ته‌ کلاسیک وه‌ره‌ لێ وه‌ختێ ئه‌ز تشته‌کی نوو هین دبم و پێک تینم هنگێ ئه‌ز کێفخوه‌ش دبم وه‌ختێ ئه‌ز ژ بۆ ئینسێن یان ژی هه‌یوێن بکێرهاتی بم،کێفا من دبه‌ بێداوین

ئه‌ز دکارم ب گه‌له‌کی تشتێن بچووک دلخوه‌ش بم ژ بۆ خه‌مگینبوونێ ب ده‌هان سه‌ده‌م هه‌نه‌. ئه‌ز ناخوازم ل سه‌ر ڤێ یه‌کێ سالووخێ بدم خوه‌دێ دزانه‌ یا گرینگ ئه‌و ئه‌ مه‌رڤ ل هه‌مبه‌ر ژینێ بزانبه‌ دا مه‌رڤ ئێ چاوا ل تێبکۆشه‌

خوه‌ پێ گهاندنا زانین و ئاگاهیێ دڤێ مافێ هه‌رکه‌سی به‌

بلۆگ هه‌م ژ بۆ نڤیساندنێ هه‌م ژی ژ بۆ به‌رالیکرنا پارڤه‌کرنا فکر، ته‌جروبه‌ و خه‌باتێن شه‌خسی ناڤه‌نده‌که‌ گونجان ئه‌

ژ به‌ر کو د ڤێ ده‌مێ ده‌ ئینسان دخوازن به‌ری هه‌ر تشتی -ماکاله‌ نڤیسێن ئاکاده‌میک- خوه‌ ب کورته‌نۆتان بگهینن

وه‌خت وه‌ختێ بله‌زووبه‌زیێ یه‌

ژ بۆ من ب ئاوایه‌کی ئینته‌راکتیف کتێب پارڤه‌ کرن، نڤیسوه‌شاندن گه‌له‌کی هێسان ئه‌ خوه‌ پێ گهاندنا زانین و ئاگاهیێ دڤێ مافێ هه‌رکه‌سی به‌

دخوازم ل هه‌سپا خوه‌ یا کهێل سوار ببم

به‌ری نها ب چه‌نده‌کێ ئه‌ز ب هه‌ڤاله‌کی خوه‌ ڕه‌ ل سه‌ر ڤێ یه‌کێ دپه‌یڤیم لێ چ مخابن کو مه‌ هه‌ست پێ کر ئه‌م ئێدی نکارن خه‌یالا ڤێ یه‌کێ ژی پێک بینن شه‌رت و مه‌رجێن هه‌یی ب خوه‌ ڕه‌ هنه‌ک پرۆبله‌مێن جڤاکی-ئابۆری و پسیکۆلۆژیک تینه‌ ئه‌ڤ یه‌ک دبه‌ سه‌ده‌مێ ڕه‌ئالیستته‌ڤگه‌راندنێ

لێ ئه‌ز دخوازم ڕۆژه‌کێ پێش ده‌ وه‌لاتێ من ئاڤا ببه‌ و ئه‌ز د ناڤا ئاخا خوه‌ ده‌ ل هه‌سپا خوه‌ یا کهێل سوار ببم و وێ د ناڤا زۆزانێن وه‌لاتێ خوه‌ ده‌ بگه‌رینم