سترانبێژا جوان ڕۆژبین کزلێ ب ڕێیا بۆتان تمه‌سێ مزگینی دا گوهدار و هه‌یرانێن خوه‌ کو ئه‌و هازریا کلیبه‌کا نوو دکه‌

ئه‌ڤ کلیبا ڕۆژبین کزلێ یا دگه‌ل فه‌هیمه‌یێ ل سه‌ر یۆئوتوبه‌یێ ٥۱ ملیۆن جاران هاتیه‌ ته‌ماشه‌کرن کلیبا وان ئا دویه‌م ۳۳ ملیۆن جاران هاتیه‌ ته‌ماشه‌کرن. کلیبا وێ یا “لاوۆ دینۆ” ۱۲ ملیۆن و یا “چاڤبه‌له‌کا من تو یی” ژی ۷،٤ ملیۆن جاران هاتیه‌ ته‌ماشه‌کرن

نڤیس و مه‌لۆدی یا من ئه‌

ئه‌ز ل زاننگه‌هێ دخوینم و بێره‌ کارێ خوه‌ یێ موزکێ ژی دکم. نها من سترانه‌که‌ نوو قه‌ید کریه‌. نڤیس و مه‌لۆدییا وێ یا من ئه‌. ئه‌ز کلبا وێ چێدکم.

ئاپێ من و مه‌تا من ستران دگۆتن

ده‌ستپێکرنا من ئا مووزکێ ژ ۸ سالییا من ده‌ست پێ کر. ئاپێ من و مه‌تا من ستران دگۆتن. ئه‌ز ۸ سالیبووم باڤێ من ئه‌ز ل قورسه‌که‌ ته‌مبورێ قه‌یتکرم. ده‌ما ئه‌ز ۹ سالی بووم جارا یه‌که‌م ده‌رکه‌تم سه‌ر ساهنێ و من ستران گۆتن و وسا هه‌یا نها به‌رده‌وام دکه‌.

ژ بۆ پشته‌ڤانییێ که‌یفخوه‌ش ئم

Rojbîn Kizil

ئه‌ز کێفخوه‌ش دبم، گاڤا کو ل من گوهداری دکن ئان ژی کلبێ من ته‌مشه‌ دکن کێفا من تێ. ئارمانجا من ژی ئه‌و بوو کو ب ڤی کاری بالا ته‌ماشه‌ڤانا بکشینم سه‌ر موزکا کوردی و زمانێ کوردی. ژ بۆ پشته‌ڤانییا گه‌لێ مه‌ ئه‌ز گه‌له‌کی کێفخوه‌ش ئم و ب وا سه‌ربلند ئم. ژ هه‌موو گه‌لێ مه‌ره‌ سه‌رکه‌فتنێ دخوازم.

Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!